Geschichten/Sagen

Milchlöchli - Ruine Hilzenstein (Hilsenstein)

s' Milchlöchli

In dr Gegend vom Hilzenstein Schlössli (Ruine), bim so gnennte Milchlöchli, isch frühner ä grossi Weid gsi. Viel saftigi Pflanze sind dört gwachse. Ä risigs Stück, sie isch vo Dornach bis nach Gämpe und Hobel gange und bis unterhalb vom Hilzenstei. Oberhalb vom Schlössli befindet sich no hüt ä Höhli, äbe s'Milchlöchli. Z'oberst auf dere Weid hets ä Vertiefig. 

D' Küe vo Dornach, Gämpe und Hobel händ vil und gueti Milch gä. Die Küe heige die Milch am Morge und am Obe zu derä Vertiefig brocht. D'Lüt heigä d'Milch den dört gholt. Mit dr Ziit seigä die Senne geldgierig worde und heigä die super gsundi Milch gschtreggt mit Wasser! Natürlich händ das d'Lüt bim trinke gmerkt und händ die Senne in dr Däubi verfluecht und vom Teufel gwünscht, er söll die Milch hole! Tatsächlich söll dr Pelzebueb das Milchbecki vo unde abohrt ha, so dass die Milch in d'Höll glofe sei, wo sie zum koche cho sei. S'Milchbecki leer - dorum den dr Name Milchloch (s'Milchlöchli). No Hüt stigt ame dr Dampf vo dr kochende Milch uffe....